Kreml nezaretindeki Aqyar akimiyeti ruhsetsiz binalarnı yıqmaqnıñ tertibini tasdiqladı. Bunı mart 2 künü«Krıminform» haber ete.
«Evel şeer hocalıq bölügi yıquvnen oğraşa edi. 1 aprelden bu vazife yerli idare organlarına keçe», – dedi Mulk ve topraq muameleleri bölüginiñ müdiri Rustem Zaynulin.
Onıñ sözlerine köre, evel bu mesele idare etilmegen edi.
«Ve temelli qurulğan binalarnı ancaq mahkeme qararından soñ yıqmağa mümkün edi. Mahkeme qarar ala edi, icra işi başlana edi. Böyle ketişatı aylârğa ve yıllarğa sozula edi. Onıñ içün biz Moskvanıñ tecribesini alıp yapacaq oldıq», – dedi o.
Bundan evel Kreml tarafından tainlengen Qırım başı Sergey Aksönov yarımadada bir çoq ruhsetsiz binalar olğanından menmüniyetsizlik bildirdi. Onıñ fikirine köre, böyle vaziyetniñ olmasında, «kerçek aqça» sebebinden problemanen oğraşmağan memurlar qabaatlı. «Hususan felâketli» vaziyet Qırımnıñ cenübiy yalısında, deñizge yaqın bütün rayonlarında ve Aqmescitte yer aldı, dep qayd etti o.
