Ukraina prezidenti Petro Poroşenko, işğal etilgen topraqlarda ve cebe sıñırında yaşağan balalar içün tasil şaraitlerini qolaylaştıracaq qanun imzaladı. Bunı mart 2 künü Ukraina devlet yolbaşçısınıñ matbuat hızmeti bildire.
Destek devlet sermiya programmasından berilecek, böylece, meselâ, tasil ödemesi bütünley ya da qısmen qapatılmaq mümkün, bedava derslikler, aylıq burslar, yatahanede yerler berilmek mümkün. Bu tedbirlerniñ ve olarnıñ berme şartlarını Nazirler şurası belgileycek, dep haber etile.
Prezident Poroşenkonıñ sitesinde: «Devletniñ bu kibi kefaleti bu topraqlarda yaşağan gerçlerni Ukraina tarafdarları olaraq yetiştirilmesi ve içtimaiy adaplatsiyağa yol berilmesi içün qoşma alet olacağı beklenile», – dep qayd etile.
Bundan evel Ukraina Yuqarı Radası «Vaqıtınca işğal etilgen topraqlarda ve cebe sıñırında yaşağan adamlarnıñ içtimaiy qorumasına dair Ukraina qanunlarına bazı deñişmelerniñ kirsetilüvi aqqında» qanun qabul etken edi.
