Link açıqlığı

Makedoniyada arnavut tiliniñ resmiy statusına qarşı narazlıq devam ete


Üsküp şeerinde nazıcılar, Makedoniya, 28 fevral 2017 senesi

Fevral 28 künü Üsküp ve Makedoniyanıñ diger şeerlerinde biñlernen insan eki kün devamında, arnavut tiline devlette resmiy statusnıñ berilmesine dair etnik arnavut fırqalarnıñ talaplarına qarşı narazılıq bildireler. Narazlıqnıñ başında evel ükümet başında turğan «VMRO – DPMNE» firqası («İç Makedon Devrimci Örgütü - Makedoniyanın Milliy Birligi Demokratik Fırqası») tura.

Paytahta miting iştirakçileri reportaj devamında eki jurnalistke ücüm ettiler. Jurnalistlerden biriniñ fotoapparatı sındırıldı, zarar körgen ekisi de baqılmaq içün hastahanege ketirildi.

Etnik arnavutlar Makedoniyada ealiniñ birden dörtünü teşkil eteler, umumen ise memlekette 2,1 million insan yaşay. Milliy azlıqnı teşkil etken arnavutlarnıñ yaşağan rayonlarında arnavut tiline endi resmiy status berildi. Amma etnik arnavut fırqaları devlet seviyesinde resmiy statusnıñ berilmesini isteyler, dekabrde olıp keçken parlament saylâvlarında «altın aktsiya» qazanğanları bu talapnıñ kerçekleşmesine yardım ete.

Muhalifetteki sotial-demokratlarnıñ lideri Zoran Zaev, azlıqnı teşkil etken arnavutlarnıñ üç fırqanıñ desteginen onıñ yolbaşçılığında yañı akimiyet tertip etiecegini beyan etken soñ işbu narazlıqlar başlandı. Mezkür fırqalar Zaev yolbaçşılığında koalitsiya akimiyetini desteklep, «til» qanunını qabul etmeknen bağlı şart qoydılar.

XS
SM
MD
LG