Ukraşna nazirler Şurasınıñ binasında Ukraina Haber siyaseyi Nazirligi ve Qırımtatar Maliye Merkeziniñ teşebbüsinen, Qırımda öldürilgen ve ğayıp olğanlarğa bağışlanğan foto-sergi açıldı. Bunı mart 1 künü Ukraina Haber siyaseti naziriniñ birinci müavini Emine Ceppar Facebook saifesinde haber etti.
«Bu insanlar – qarşılıqnıñ timsalleri. Olarnıñ çağına yetmegen balaları, cemi sayıda 70 ziyade olıp, babasız ösmek zorundalar! Bu – insanlarnıñ, ailelernıñ ve halqlarnıñ büyük acısıdır. Bu resimler, Ukrainanıñ devler hızmetçilerine er kün Qırımnı hatırlatmaq kerek! Bu umumiy facia», – dep yazdı Ceppar.
Kyivde fevral 25-26 künleri ötkerilgen «Qırım işğal altında: Ukraina ve dünyağa olğan tesiri» Halqara forumı devamında Radio Svoboda jurnalistleriniñ 27 fotoresimi taqdim etilgen edi. Resimlerde ukrain yarımadanıñ Rus orduları tarafından işğal etilgeniniñ ilk künleri qayd olunğan,fotoresimler Qırım sakinleriniñ Rus devletiniñ areketlerine qarşı kütleviy narazılığını ve 2014 senesi mayıs 18 künü qırımtatarlarnıñ sürgünü hatırasına soñki matem merasimlerini akis ete.
