Link açıqlığı

Qırımlı Abilevniñ imayesi oña berilgen cezasığa şikâyet etti


Tasviriy resim

Devlet sıñırını qanunsız şekilde keçmesini teşkil etkeni boyunca qabaatlanğan ve 7 yıl apis cezasını alğan qırımlı Ridvan Abilevniñ imayecileri Vinnitsa vilâyetiniñ Apelâtsiya mahkemesinde oña berilgen cezasına şikâyet bildirdi. Bunı Qırım.Aqıqatqa bergen izaatında Abilevniñ advokatı Vladimir Sauşkin bildirdi.

«Şikâyet arizasını berdik, martnıñ 3-ne baqılması belgilendi. Qabaatqa qarşı itiraz bildirdir, çünki müşterime qarşı delil yoq edi. Delillerge oşağan bir levhağa dair o aqlandı, delil olmağan yerde ise qabaatlandı», – qayd etti advokat.

Mahkeme qararına şikâyet muracatınıñ daa bir temeli ceryan qaideleriniñ bozulması oldu, dep qoştı Sauşkin.

«Qanun bozuvında qabaatlanğan Abilevniñ işini politsiya taqiq etmeli, lâkin taqiq işini Ukraina telükesizlik hızmeti alıp bara», – dedi o.

UTH «Qırım» göñüller ordusınıñ sabıq askeri 30 yaşındaki Abilevni, Ukraina devlet sıñırından qanunsız ecnebiylerni keçirgeninde qabaatladı. Mahkeme qararı alınmağanına qadar Abilev 121 bi grivna pey bermeknen azatlıqta edi. Abilevniñ cenk iştirakçısı unvanı yoq, o Donetsk vilâyeti topraqlarında terroristlerge qarşı küreşte iştirak etkeni belli.

Qırımtatarlarnıñ teşkil etkeni «Qırım» göñüller batalyonı, Şarqiy Ukrainada 2014-2015 seneleri cenkte iştirak ete edi, soñra o dağıtılğan edi.

XS
SM
MD
LG