Link açıqlığı

Saatnıñ esas haberi

Herson vilâyetiniñ başı: «Qırımdaki işğalcilerge ne enegiya, ne de suv»


Şimaliy-Qırım kanalı
Şimaliy-Qırım kanalı

Herson vilâyeti devlet memuriyetiniñ başı Andriy Gordeyev, Unraina zapt etilgen Qırımğa ne elektrik energiyasını ne de suvını bermemek kerek, dep tüşüne. Bunı fevral 28 künü Gordeyev öz Facebook saifesinde yazdı.

O: «Qırımğa suv kene berilmesini istegen siyasetçilerge cevap bermege isteyim. Men basqığa baqmadan Şimaliy-Qırım kanalını açmağa bermem. Qırımdaki işğalcilerge ne enegiya, ne de suv », – dep yazdı.

Bundan evel kütleviy haber vastaları Mustafa Nayyem, Kyivde matbuat konferentsiyasında çıqışta bulunıp, Qırımğa suv ve elektrik teminlevini ğayrıdan tiklenile bile dep aytqanını bildirgen ediler.

Fevral 28-de Ukraina halq deputatı Mustafa Nayyem işğal etilgen Qırımğa suv ve elektrik berilmesi başlaycağına dair malümatnı red etken edi. Bunı millet vekili Facebook saifesinde fevral 28 künü yazdı.

Uquq qorçalayıcılar Ukraina akimiyeti ve Yuqarı Radasını qırımlılarnıñ aq-uquqlarını sıñırlağan bazı qanunlarnı lâğu etmege ya da deñiştirmege çağırğan edi. Hususan, Qırımdan eşyalarnıñ çıqarılması, qırımlılarnıñ rezident olmağanı ve yarımadağa kiriş ile bağlı problemler qayd etildi.

Rusiye Qırımnı işğal etken soñ Ukraina Şimal-Qırım kanalı üzerinden yarımadağa suv berilmesini toqtattı. Ukraina Qırımnıñ suv ihtiyaclarınıñ 85%-nı bu kanal vastasınen qarşılağan edi.

2015 senesiniñ soñundan başlap esas Ukraina Rusiye işğal etken yarımadanıñ elektrik teminlevine qoltutmay. Qırım öz generatsiyası, Rusiyeden ve Kubanden energetik köpür ile teminlene, lâkin Qırımdaki elektrik ağlarında alâ daa qazalar ola.

XS
SM
MD
LG