Link açıqlığı

Ankarada qırımtatar ve ukrain diasporaları narazılıq mitingini keçirdi


Türkiyeniñ paytahtı Ankarada, Türkiyedeki Rus elçilidi qarşısında fevral 25 künü qırımtatar ve ukrain diasporalarınıñ narazılıq mitingini keçirildi. Bunı Facebookta Qırımtatar Milliy Meclis reisi Refat Çubarov özüniñ Facebook saifesinde haber etti.

Mitingte çekilgen videoda körüne ki, insanlar «Qırım – Ukrainadır» ve «Putinniñ ücümini toqtatıñız» yazılarınen şiarlar köterdiler.

Türkiyedeki Rus elçiliginiñ matbuat hızmeti bu tedbirni iç bir şekilde izaatlamay.

Fevral 26 künü Ukrainada «Qırımnıñ Rus işğaline qarşı küreş Künü» qayd etile, bütün Ukrainada Qırımğa destek bildirmek içün aktsiyalar keçirilecek. Bu künü Qırım Yuqarı Şurası binası qarşısında Ukrainanıñ topraq bütünligine destek olaraq miting keçirilgen edi. O vaqıt mitin iştirakçilerine qarşı Rusiye tarafdarları, şu cümleden «Russkoye yedinstvo» virqasınıñ vekilleri çıqqan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG