Link açıqlığı

Saatnıñ esas haberi

«Qırımnıñ Rus işğaline qarşı küreş Künü» munasebetinen Urdunda müellifniñ şiiri oquldı


Urdunda fevral 26 künü Amman şeeriniñ merkeziy meydanında faaliyetçiler Viktoriya Brıçkova – Abu Kadum şaireniñ şiirini oqudılar.Bu şiirni «Qırımnıñ Rus işğaline qarşı küreş Kününe» bağışladılar. Bunı «Global Ukraine halqlar diplamatiya ağı» cemaat teşkilâtı Facebookta haber etti.

Bildirüvde: «Ammanda «Urdunda ukrain evi» Ukrain Medeniy Merkeziniñ faaliyetçisi, şaire Viktoriya Brıçkova – Abu Kadumnıñ, 2014 senesi fevral 26 adiselerine bağışlanılğan şiiri oquldı», – dep aytıla.

Fevral 26 künü Ukrainada «Qırımnıñ Rus işğaline qarşı küreş Künü» qayd etile, bütün Ukrainada Qırımğa destek bildirmek içün aktsiyalar keçirilecek. Bu künü Qırım Yuqarı Şurası binası qarşısında Ukrainanıñ topraq bütünligine destek olaraq miting keçirilgen edi. O vaqıt mitin iştirakçilerine qarşı Rusiye tarafdarları, şu cümleden «Russkoye yedinstvo» virqasınıñ vekilleri çıqqan edi.

Bundan evel Qırım ile birdemlik bildirmek içün aktsiya Frenkistanda ötkerildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG