Link açıqlığı

Aqmescitte ötkerilgen tintüv ve yaqalavlardan soñ Ukraina TİN Rusiyeden zulumnıñ toqtatılmasını talap ete


Boğurçada tintüv, 21 fevral 2017 senesi

Ukraina Rusiyeden Qırımda basqılarnıñ toqtatılmasını talap ete. Fevral 21 künü Aqmescitte Rusiye silâlı hızmetleri tarafından 10 neferden ziyade insandan yaqalanğanını Twitterde izaatlap, bunı Ukraina Tışqı işler Nazirliginiñ matbuat kâtibi Maryana Betsa bildirdi.

«26.02 QMC işğalge qarşı küreş künü arfesinde, işğalci siyasiy taqipini şiddetleştire. Rusiyeden zulumnıñ toqtatılmasını talap etemiz», – dep bildirdi Ukraina TİN matbuat kâtibi Maryana Betsa.

Qırımda, Aqmescitniñ Boğurça qasabasında, fevral 21 künü saba, Rusiyeniñ silâlı hızmetleri, Marlen Mustafayevniñ evinde tintüv ötkerdi.

Bunen beraber Marlen Mustafayevni desteklemek içün kelgen insanlardan da 10-dan ziyadesi yaqalandı. İnsanlarnı yaqalamazdan ögüne, politsiya hadimleri megafon vastasınen, toplaşqanlar kütleviy merasimler aqqında qanunlarnı bozğanlarını ilân ettiler.

Rusiye silâlı hızmetleri Boğurçada ötkergen areketlerini izaatsiz qaldıralar.

Ukraina Tışqı işler nazirligi defalarca zapt etilgen Qırımda Ukraina vatandaşlarına qarşı basqı ve taqip areketleri yapılğanınen raatsız olğanını bildire edi, ondan da ğayrı Rusiyeni yerli sakinlerge basqını toqtatqanını ve ukrainalı siyasiy mabuslarını azat etilmege çağıra edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG