Komissiya azaları saylav konkursınıñ neticesinde «Qırım evi» devlet teşkilâtınıñ müdiri vazifesine rejissör Ahtem Seitablayevni sayladılar. Bunı Ukraina Medeniyet nazirliginiñ matbuat hızmeti haber ete.
Fevral 27 künü 2016 senesi Kyivde «Qırım evi» devlet teşkilâtı açılğan edi. Onda Qırım meselelerinen oğraşqan bir-qaç teşkilât birleşti. Dekabrniñ soñunda Ukraina Medeniyet nazirliginiñ sitesinde «Qırım eviniñ» müdiri vazifesine konkurs ilân etilgeni bildirildi. Ukraina Medeniyet nazirliginde deyler ki, bu konkursnıñ hususiyeti – açıqlıq edi: cemaat falleri ve matbuat vekileri konkurs komissiyasınıñ toplaşuvlarında iştirak ete bildi.
Ahtem Seitablayev qırımtatar halqınıñ 1944 senesi sürgün etilgeni aqqında «Haytarma» filminiñ rejissörı edi, şimdi ise antiterroristik areketlerde iştirak etken ukrain askerleri aqqında «Kiborgi» filmini azırlay.
