Link açıqlığı

Qırımda France24 kanalınıñ Rusiyedeki muhbirine «Çiygoznın işi» boyunca mahkemede çekim yapmağa izin bermediler


Aqmescit, Kreml kontrolündeki Qırım Yuqarı mahkemesi

Qırımtatar Milliy Meclis reisiniñ muavini Ahtem Çiygoznıñ mahkeme işi boyunca Kreml nezaretinde bulunğan Qırım Yuqarı mahkemesiniñ toplaşuvında fevral 20 künü France24 agentliginiñ Rusiyedeki mahsus muhbiri Yelena Voloşınağa video çeşimine izin bermediler.

Radio Svoboda muhbirine Yelena Voloşına böyle dedi: «Biz mahkeme toplaşuvında video çekmek içün ruhset alınmasına ariza yazdıq. Arizanı: «Ne içün şimdi çekecek oldıñız? Nege bunı yapasıñız?» – degen sualler sorap baqılğnını birinci sefer kördik. Neticede bizge ruhset bermediler, prokuror dedi ki, çekim sebebinden mahkemede işinde iştirak etkenlerniñ aqları bozulmaq mümkün eken».

France24 agentliginiñ Rusiyedeki mahsus muhbiri Yelena Voloşına. Aqmescit, Fevral 20 künü 2017 senesi
France24 agentliginiñ Rusiyedeki mahsus muhbiri Yelena Voloşına. Aqmescit, Fevral 20 künü 2017 senesi

Kreml nezaretinde bulunğan Qırım Yuqarı mahkemesi çekimlerge izin berilmegeni aqqında izaat bermedi.

«Çiygoznıñ işi» boyunca nevbetteki mahkeme toplaşuvı fevral 20 künü olıp keçecek.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, şu cümleden «Rus Birligi» firqası, miting iştirakçilerine qarşı çıqqan edi.

Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG