Link açıqlığı

Ukraina Tışqı işler nazirliginiñ mtbuat kâtibi Maryana Betsa üç yul evelsi 2014 senesi fevral 20 künü «Qırım Muhtar Cumhuriyeti muvaqqat işğali» etilip başlanğanını ve sözde Rusiyege qoşulmaq referendumınen yekünlengeni aqqında hatırlattı. Bu aqto Twitterde yazdı.

2015 senesi oktâbrde Ukraina prezidenti Petro Poroşenko, 2014 senesi fevral 20 künü Ukrainanıñ bir qısımı «vaqıtınce işğal etilip» başlanğanı aqqında ferman imzaladı.

Ukraina prezidentiniñ memuriyetinde bildiler ki, qanunlarğa deñişmeler «muvaqqat işğalniñ» başlanğıç kününi belgilemek, bu meselede bir fikirni tasdiqlamaq ve halqara uquq çerçivesinde devlet, vatandaş ve uquqıy şahıslarnıñ aqlarını qorçalamaq maqsadınen kirsetildi.

2014 senesi fevral ayında «yeşil adamçıqlar» dep adlandırılğan belgisiz silâlı adamlar Qırımnıñ esas memuriy binalarnı zapt ettiler ve Rusiye bayrağını köterdiler. Ondan da ğayrı «yeşil adamçıqlar», ya da «nezaketli adamlar» Ukraina arbiy qısımlarını blok ettiler.

2014 senesi mart 16 künü Qırım ve Aqyarda yarımadanıñ statusı aqqında referendum keçirildi, neticede Rusiye Qırımnı özüne qoşqanını ilân etti. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tanıy.

Vaqıt keçken soñ Rusiye prezidenti Vladimir Putin «yeşil adamçıqlar» – Rusiyeli arbiyler olğanını itiraf etti.

Rusiye yarımadanı işğal etkenini qabul etmey ve bunı «tarihiy adaletniñ tiklenilmesı» olaraq qabul ete.

XS
SM
MD
LG