Link açıqlığı

Kreml nezaretinde olğan Qırım mulk ve topraq muameleleri nazirligi Aqmescit – Kezlev ve Aqmescit – Mirnoye – Dubki yolları çaprazlaşqan yerinde naqliye çezilüvi qurulacağı sebebinden, o yerde alınacaq topraqnıñ saiplerini qıdıra. Bunı müessiseniñ matbuat hızmetinde bildirdiler.

«11 topraq damartasınıñ saipleri 60 kün devamında topraq ve başqa taşınmağan mülkniñ aqlarını tasdiqlaycaq ariza yazmalı ve bu aaqını isbatlağan vesiqalarnıñ kopiyalarını ketirmeli. Ameldeki qanunğa binaen, devlet öz ihtiyaclarına alacaq topraqlarnıñ bütün masraflarını qarşılacaq», – qayd ettiler matbuat hızmetinde.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG