Link açıqlığı

Saatnıñ esas haberi

Rusiye tarafında aydavcılar 4 künden berli Keriç parom keçitine nevbette turalar


Rusiyeniñ «Kavkaz» limanında yük maşinaları Keriç parom keçitinden keçmek içün 93 saat devamında Keriç parom keçitini beklep tura. Bunı fevral 18 künü «Deñiz müdirligi» («Morskaya direktsiya») şirketiniñ matbuat hızmeti bildire.

Matbuat hızmetinde qayd ettiler ki, al-azırda Rusiye tarafından parom keçitine 952 maşta toplandı, Qırım tarafından – 121 maşna.

Bundan evel Keriç parom keçitinde yolda aşhane ve qızmaq içün punktlar quruldı.

Fevral 16 künü aqşam, yük maşnalarınıñ aydavcıları Rusiyenıñ Krasnodar ülkesinde zapt etilgen Qırımğa alıp barğan Keriç parom keçitine yolunı qapatqanları aqqında haber etilgen edi. Böylece, buz örtüsi ve ava bozulğanı sebebinden çoq beklemege mecbur olğan aydavcılar itiraz bildiler.

Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.

XS
SM
MD
LG