Link açıqlığı

Putin içün Qırımnıñ «teslimi» özüni öldürmek kibidir – Kasparov


Rusiyeli muhalifetçi, dünya santıraç çempionı Garri Kasparov

Rusiye prezidenti Vladimir Putin içün Qırımnıñ «teslim etilmesi» özüni öldürmek kibidir. Öyle fikirini rusiyeli muhalifetçi, dünya santıraç çempionı Garri Kasparov «Voice of America» agentligine bildirdi.

Kasparov: «Qırım boyunca, men bellesem, Tramp bir şey becermez, çünki Putin içün Qırımnıñ teslim etilmesi özüni öldürmek kibidir. Amma Putinniñ taqdirine tesir etmek içün Amerikanıñ imkânları ğayet büyüktir», – dedi.

Ondan da ğayrı, Ğarp tarafından kirsetilgen sanktiyalar irişip olacaqlarına nisbetten bayağı eksiktir, dedi. Faqat bu sanktiyalar bile Rusiye ekonomikasına tesir ete, dep qayd etti muhalifetçi.

AQŞ, AB ve Ğarp memleketleri Rusiye Qırımnı zapt etkeni ve ayırımcılarğa destek köstergeni sebebinden bir sıra sanktsiyalarnı kirsetti. Kreml cenk areketlerinde rusiyeli «göñüllileri» olğanını qabul ete, amma silâ ve şahsiy taqımını yibergenini inkâr ete.

XS
SM
MD
LG