Rusiyeniñ Yalta akimiyeti quruğan «qazaiy» tereklerni yoq etmek içün işini arttıracaq ola. Bunı akimiyet toplaşuvında şeer başı Andrey Rostenko bildirdi.
Rostenkonıñ fikirine köre, şeerde ve Qırımnıñ cenübiy yalısındaki köylerinde bu quru terekler «çoqtan öz tabiy yaşından çıqqanlar ve öz körünişinen meskün yerlerniñ manzaasını bozmaqnen beraber insan ayatı ve sağlığına telükeli olalar».
Şeer yolbaşçısı: «Olarnı yoq emek içün bu işite ğayret kösterişmeli ve bu işike zaten imkânları olğanı qadar areket etken «Zelenstroy» müessiseden ğayrı idare müessiselerini de celp etmege kerek. Cemaat yerlerinde ve evler yanında ösken quru tereklerge daa çoq diqqat ayırmağa kerek», – dedi.
2016 senesi oktâbr 23 künü Aqmescitniñ merkeziy soqaqları yañıdan tertip etilgende onlarnen terek pıçılğan edi. Bu adise içtimaiy saifelerde bir-çoq munaqaşalğa sebep oldı. Şeer akimiyeti pıçılğan terekler yerine yañı ösümlikler saçılacağını aytqan edi.
İşğal etilgen Aqmescitniñ Puşkin soqağı yañıdan tertip etilgende 18 yüke pıçıldı.
