Link açıqlığı

Aqyarda yunus balıqları akvariumı qapatılmaq mümkün – müessiseniñ müdiri


Aqyarda yunus balıqları akvariumı, tassviriy fotoresim

Aqyardaki yunus balıqları akvariumınıñ temsilcileri, şeerniñ Rusiye akimiyeti müessiseni yoq etmege tırışqanı sebebinden, cemaatqa muracaatta bulundı. Bunı Qırım.Aqıqatnıñ muhbiri bildire.

Yunus balıqları akvariumnıñ müdiri Aleksandr Jbanov: «Kreml nezaretindeki şeer akimiyeti akvarimnıñ mülk ve toprağına köz taşlağanı sebebinden, müessise yoq etilmek mümkün», – dedi.

Keçken seneniñ soñunda Aqyar yunus balıqları akvariumına kiralıq fiyatını ayda 1,5 million rublege qardar kötergen ediler.

Artbuhtada yerleşken Aqyar yunus balıqları akvariumınıñ hadimleri, keçken sene noyabr aynıñ başında Vasilisa adlı beyaz yunus balığını satqanları aqqında haber etken ediler. Böylece, müessise qalğan ayvanlarnıñ aşına masraflarnı qapatmağa tırıştı. Yunus balıqları akvariumda bildirdilergenleri kibi, «Şeer mülkiniñ semereli qullanuv merkezi» Devlet unitar teşkilâtı yunus balıqları akvariumı yaz mevsiminde qazanğan aqçanı bermedi ve neticede ayvanlarnı baqmağa çareleri qalmadı.

XS
SM
MD
LG