«Asker» cemaat birleşmesiniñ reisi Lenur İslâmov Seit-İbraim Zaytullayev bir vaqıtları teşkilât erkânında olğanını tasdıqladı, lâkin eki ay evelsi işten «boşatılğanını» qayd etti. Bunı Radio Svoboda mühbiri Anton Naumlük Facebookta yazdı.
«İslâmov Zaytullayevniñ istidatlı bir çalğıcı olğanını, «problemlerini qasevetlengenini ve ana-babasını sağınğanını», esas Ukrainadaki tehnologik institutqa kirmege niyeti olğanını ayttı», – dep yazdı Naumlük.
Rusiye kütleviy haber vastaları Qırımdaki FSB idaresiniñ malümatına köre, Qırımnıñ esas Ukraina ile memuriy sıñırda «Asker» teşkilâtınıñ iştirakçisi Seit-İbraim Zaytullayevniñ yaqalanmasını aydınlatqan ediler.
Zaytullayev teşkilât Qırımda, şu cümleden devlet sıñırındaki Rusiye kiriş noqtalarında, diversion-terroristik areketlerni yapacaq mütehassıslarnı azırlay, dep tarif etti.
Lenur İslâmov qurulayatqan Noman Çelebicihan «qırımtatar batalyonına» arbiy bölük nomerasını bermege talap ete.
Ukraina uquq qoruyıcı organları keçken yıldan berli qırımtatar batalyonınıñ meydanğa ketirilmesini muzakere ete. Qırımtatar Milliy Meclisi bunıñnen bağlı bütün malümat Ukraina prezidenti Petro Poroşenko ve İçki işler naziri Arsen Avakovğa berildi, dep bildirgen edi.
