Fevral 15 künü aqşam Odessada ömüriniñ 81 yılında tarih ilimler doktorı, Tavriya universitetiniñ professorı Dmitriy Pavloviç Ursu vefat etti. Bunı Poluostrov haber ete.
Dmitriy Ursu 1936 senesi oktâbr 10 künü dünyağa keldi. Odessa universitetiniñ mezunı. Tarih ilimler doktorı (unvanını 1986 senesi qazandı), professor (1986). Ukraina tarih ilimler akademiyasınıñ akademigi. 1986-2005 seneleri Simferopol (Tavriya) universitetiniñ professorı edi. 1986-1997 seneleri yañı ve zemaneviy tarih kafedrasınıñ müdiri edi. 2006 senesinden – Odessa universitetiniñ professorı oldı. İlim aveslikleri saaları – Afrika ve Ğarbiy Avropanıñ tarihı ve tarih yazıcılığı, tarihnıñ metodologiyası, şarqşınaslıq, Qırım aliy oquv yurtlarnıñ tarihı.
Qırımtatar medeniyetiniñ ögrenilüvine Dmitriy Ursu büyük isse qoştı, şu sırada şair ve alim-türkoloci Bekir Çoban-Zadeniñ ilmiy biografiyasınıñ tizilmesi.
