Link açıqlığı

Qırımda ava bozulğanı sebebinden 8 köy elektriksiz qaldı – «Krımenergo»


Arhiv fotoresimi: Qırımda ava fenalaşqan soñ aqibetlerniñ tüzetüv işleri

Yarımadada ava bozulğanı sebebinden, fevral 15 künü sekiz köy elektriksiz qaldı. Bunı «Krımenergonıñ» matbuat hızmeti bildire.

Müessiseniñ bergen malümatında: «Qazanıñ sebebi küçlü yel oldı. Fevral 14 künü aqşamdan bozulğan ava sebebinden Qırımnıñ Qurman, Aqmescit, Yedi Quyu, Aqmeçit, Bağçasaray, Curçı rayonlarınıñ sakinleri elektrik berilüvinden marum qaldı. Saat 8:00 olğan vaziyette, Qırımnıñ 8 meskün yerinde energiya aqımı toqtadı, olardan birinde – qısmen: Aqmeçit rayonında Qarlav, (qısmen) Doñuzlav köyleri, Qarasubazar rayonı Tanageldi, Mırzaköy, Qul Çora, Prolom köyleri; Curçı rayonı Snegirövka, Kütüke köyleri», - dep aytıla.

Bundan evel haber etilgen edi: fevral 15 künü suvuqlar kelgeni sebebinden furtuna hafvı ilân etildi. Ava bozulacağı beklenile: küçlü qar, bazı yerlerde pek küçlü qar, boran, yollarda buz olacağı, şımaliy-ğarb taraftan saniyede 20-25 metr suratınen küçlü yel esecegi beklenile.

XS
SM
MD
LG