2017 senesi fevral ayından başlap, İnsan aqları boyunca Ukraina Helsinki gruppası Hersonda Qırım ve vaqıtınca yaşağan yerini deñiştirgen vatandaşlarnıñ işleri boyunca cemaat qabulhanesini çalıştıracaq.
İnsan aqları boyunca Ukraina Helsinki gruppasırnıñ işleri boyunca cemaat qabulhanesiniñ Facebook saifesinde böyle aytıla: «Qırım sakinleri içün Hersonğa yetişmege daa oñaytlı ola, onıñ içün de adliyeviy yardım almaq içün muracaat etmege daa qolay olacaq. Biz muvaqqat işğal sebebinden zarar körgen ve mecburen yerini avuştırğan şahıslarnıñ aqlarını qorçalaymız».
2016 senesi noyabr ayında Qırım «vatandaşlıq blokadası» qıtaiy Ukrainanen memuriy sıñırında qırımlılar içün uquqiy yardım köstermek maqsadınen cemaat qabulhanesini qurıp başladılar.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
