İosif Stalinni begengen rusiyelilerniñ sayısı soñki 16 içinde eñ yüksek seviyege arttı, dep köstere Rusiyedeki «Levada-merkeziniñ» sorav malümatları.
Yanvar ayında keçirilgen sorav neticelerine binaen, cevap bergenlerniñ 46 fayızı Stalinden «ayrette», onı «ürmet ete» ya da «begene». 2016 senesi mart ayında böyle insanlarnıñ sayısı 37 fayıznı teşkil etken edi.
Soravğa köre, rusiyeliler Leonid Brejnev ve Vladimir Putinge daa yahşı yanaşmağa başladı. Brejnev tarafdarlarınıñ sayısı 11 yıl içinde 39-dan 47 fayızğa qadar arttı, Rusiyeniñ şimdiliki prezidenti Putinniñ ise – 76-tan 83 fayızğa qadar.
Soravğa köre, rusiyeliler eñ çoq Mihail Gorbaçev, Boris Yeltsin ve Nikita Hruşçövdan şikâyet ete.
«Levada-merkeziniñ» bundan evel derc etilgen sorav neticelerine köre, rusiyelilerniñ üçte biri soñki 100 yıl içinde Rusiyedeki yaşayış Pütin zamanında eñ yüksek seviyege köterilgenini tüşüne. Cevap bergenlerniñ 29 fayızı Brejnev vaqtını mükemmel tarih devri dep adladı.
