Rusiye Qırımnıñ Ukrainağa qayta bilecegini inkâr ete. Bunı, AQŞ prezidenti Donald Trump Rusiyeden Qırımnıñ qaytarılmasını beklegenini beyan etkeni munasebetinen, Rusiye Tışqı işler nazirliginiñ vekili Mariya Zaharova matbuat-konferentsiyasında ayttı.
İnterfaks, Zaharovanıñ böyle sözlerini ketire: «Biz öz topraqlarımıznı qaytarmaymız. Qırım Rusiye Federatsiyasınıñ parçası ola».
Bundan evel Beyaz Saraynıñ resmiy temsilcisi Sean Spicer beyan etti ki, AQŞ prezidenti Donald Trump Rusiyeden Qırımnıñ Ukrainağa qaytaracağını ve Ukrainanıñ şarqiy tarafında zorbalıqnıñ eksilmesini beklegenini bildirgen.
O hatırlattı ki, bundan evel BM Teşkilâtında AQŞ daimiy temsilcisi Nikki Haley Washingtonnıñ Qırımğa dair qattı fikirde olğanını beyan etken edi.
Keçende Trumpnıñ mesleatçısı Rusiyenen qurğan munasebetleri sebebinden istifağa ketti.
AQŞ prezidenti Donald Trump saylavaldı kampaniyası devamında defalarca Rusiye ile işbirlikke qol tutqanını bildirgen edi ve Rusiyeli prezident Vladimir Putinniñ liderlik çizgilerinen meraqlanğanını aytqan edi.
