Fevral 15 künü Qırımda ava bozulğanı sebebinden furtuna ihtarı ilân etildi. Bunı yarımadanıñ Rusiye FVN idaresiniñ matbuat hızmeti bildire.
«Fevral 15 künü suvuqlar kelgeni sebebinden Qırımda ava bozulacağı beklenile: küçlü qar, bazı yerlerde pek küçlü, boran, yollarda buz olacağı, şımaliy-ğarb taraftan saniyede 20-25 metr suratınen küçlü yel esecegi beklenile», – dep bildirile.
Muessisede küçlü yel sebebinden telükesizlik qaidelerine riayet etip yollarda mıqayt olmağa kerek olğanını hatırlattılar.
