«Kavkaz» limanında yük maşnalarınıñ aydavcıları Qırımğa keçmek içün paromını 69 saat bekleyler. Bunı «Deñiz müdirligi» («Morskaya direktsiya») şirketiniñ matbuat hızmeti bildire.
Matbuat hızmetiniñ bildirgenine köre, «Kavkaz» limanında 626 yük ve 135 yengil maşna toplandı. «Krım» limanı tarafında ise 194 yük ve 45 yengil maşna yolunı devam etecegini bekley.
Keçende, Keriç porom keçiti etrafında buz örtüsi peyda olğanı sebebinden tahminen 700 maşna toqtap qalğan edi.
Yaqın künleri furtuna sebebinden Keriç parom keçiti öz işini toqtata bilecegi aqqında haber etilgen edi.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.
