Kremlge bağlı Qırım akimiyeti 2017 senesi şeer tasil müessiselerine 1-4 sınıf talebeleri içün künde bir sıcaq yemek bedava berilmesine 427 million ruble ayırdı. Bu aqta Rusiyeniñ Qırımdaki parlamentiniñ qararında söz kete.
Fevral 13 künü Rusiyeniñ Qırımda tain etken nazirler şurasınıñ qararında: «İlâvege binaen, 2017 senesi Qırım Cumhuriyetiniñ bücetinden belediye tasil müessiselerine 1-4 sınıf talebeleri içün künde bir sıc1aq yemek (sabalıq) bedava berilmesine belediye bücetlerine sermiya ayırmaq», – dep aytıla.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
