Link açıqlığı

Ukraina devlet sıñırlarını ğayrıdan tikleycek – Poroşenko


Petro Poroşenkonıñ Pavel Filip ile Kyivdeki körüşüvi, 2017 senesi fevral 13 künü

Ukraina prezidenti Petro Poroşenko Moldova ükümetiniñ reisi Pavel Filip ile körüşip, Moldova ortaqlarını Ukraina devlet sıñırlarına qoltutqanları içün teşekkürlerini bildirdi, dep bildire devlet yolbaşçısınıñ matbuat hızmeti.

«Şunı hatırlatmaq ister edim ki, Moldova 2014 senesi mart ayında BMT Baş assambleyasınıñ rezolütsiyasına rey berip, mustaqilligimizge qoltuttı ve 2016 senesi dekabr ayında işğal etilgen Qırımda insan aqları vaziyetine dair rezolütsiyağa qoltutmaqnen beraber onıñ müelliflerinden biri oldı», – dep qayd etti Ukraina prezidenti.

Poroşenko Moldova yigirmi beş yıl evelsi topraqlarınıñ bir qısmını coyıp, aynı vaziyette olğanını hatırlattı.

«Bugünde-bugün köremiz ki, em Ukraina, em de Moldovağa memleketlerimizniñ halq taqdirini çezmege imkân berecek reintegratsiya şekillerini aşlaycaq olalar. Bu ıntıluvlar yutturacaq. Ukraina ve Moldova halqara seviyede tanılğan devlet sıñırlarını ğayrıdan tikleyceler. Dünyanıñ demokratik toplulığı buña qoltuta. Razı olmağanlar ise medeniyetniñ o bir tarafında qala», – dep ayttı Ukraina prezidenti.

Moldova ükümetiniñ reisi Ukraina topraq bütünligine qoltutqanını daa bir kere aytıp, Moldovanıñ Qırım ile bağlı baqışlarını seslendirdi: «Moldova Cumhuriyeti Ukraina topraq bütünligi ve mustaqilligini tanıy ve oña qoltuta».

Pavel Filik qayd etkenine köre, Moldova ileride de Ukrainanıñ mustaqillik ve topraq bütünligi oğrunda küreşine qoltutıp, yardım etmege azır olğanını tasdıqladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG