Link açıqlığı

Yılnıñ soñuna qadar Aqmescit sakinlerine eki yañı bala bağçasını qurmağa vade eteler


Tasviriy resim

Yılnıñ soñuna qadar Aqmescit sakinlerine eki yañı bala bağçasını qurmağa vade eteler

Kremlge bağlı Qırım maarif nazirligi Aqmescitniñ Borçoqraq ve Ana Yurt qasabalarında eñ azı 500 million ruble (8,6 million dollar) fiyatında eki bala bağçasınıñ qurucılığı başlanğanı aqqında bildirdi. Bunı fevral 13 künü «Krıminform» haber ete.

Müessiseniñ matbuat hızmeti: «Bala bağçalarınıñ ekisi de 2020 seneside qadar Qırım ve Aqyar içün federal inkişav programması çerçivesine qurula. Er biri 260 yerlik olacaq, ve 2017 senesiniñ soñuna qadar açılmaq kerek. Borçoqraqtaki balalar bağçasına 258,5 million ruble masraf etilecek, Ana Yurttaki – 262 million rubleden biraz ziyade», – dep yaza.

Matbuat hızmetiniñ bergen malümatına köre, şimdiki Qırım Tasil, ilim ve gençlik nazirligi, 2017 senesi devamında umumen bala bağçalarında qoşma 10 biñ yer azırlaycaq ola.

Bundan evel Rusiyeniñ Qırımdaki ükümeti Aqmescit içün 18 bala bağçası qurulacağı aqqında söz bergen ediler.

Keçken sene mayısnıñ başında işğal etilgen Qırımnı ziyaret etip, Rusiye ombusmeni Tatyana Moskalkova bala bağçalarına uzun nevbetler tizilgeninen bağlı olğan problemağa diqqat çekken edi.

Qırımda bala bağçalarına nevbetler sozulğanını – Rusiyeli memurlarnıñ uzun müddetke Qırımğa yollanılğanlarınen bağlaylar.

XS
SM
MD
LG