Türkmenistannıñ Merkeziy saylâv komissiyası bazar künü aqşam saylâv bölgeleri qabatılacaqta memlekette ötkerilgen preziden saylâvlarına saylayıcılarnıñ 97,27 faizi qoşuldı. Radio Svobodanıñ Türkmenistandaki Azatlıq radiosınıñ muhbirleri, Aşhabadta öyldeden soñ saylâv bölüklerini ziyaret etip, saylavcılar faal olğamağanını haber ettiler.
Prezident vazifesine 9 namzet teklif etilgen edi, şu sırada prezident vazifesinde bulunğan Gurbangulı Berdımuhamedov te bar. Saylâvda iştirak etken çoqusı saylâyıcılarınıñ reyini qazanğan namzet ğalip olaraq tanılacaq. Talilciler, üçünci müddetke qalmağa niyetlengen Bermuhamedov ğalip çıqacağından şübelenmeyler. Fevral 13, bazarertesi künü neticiler açıqlanacaqtır.
Azatlıq radiosınıñ malümatına köre, saylâv kampaniyası devamında Turkmenistanda saylâv qaidelerine köre büyük yañlışlıqlar yüz bergen edi. Meselâ, cemaatnıñ diqqatını yanvar 30 künü Gurbangulı Berdımuhamedovnıñ areketi celp etti, saylâvlarda qol tutmağa söz bergen fermacılarğa o televizor bahşış etti. Bu körüşüvini Türkmenistan devlet televizionında yayınladılar.
