Ava bozulğanı ve Keriç porom keçiti etrafında buz örtüsi peyda olğanı sebebinden naqliyatnıñ işi zorlaştı. Bunı «Deñiz müdirligi» («Morskaya direktsiya») şirketi bildire.
Şirketniñ sitesinde: «Ava vaziyeti tüzelecegine qadar parom keçitinden seyahatlardan vazgeçmege rica etemiz», – dep yazılğan.
Fevral 13 künü saba «Deñiz müdirligi» yük maşnalarınıñ aydavcılarına yürüşlerini azlaştırmağa rica etkan edi.
Rusiye haber vastaları, Keriç boğazında buz örtüsi olğanı sebebinden Rusiyeniñ Krasnodar vilâyetinde parom keçiti ögünde toplaşqan yüzlernen yük maşnaları aqqında haber ete.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.
