Link açıqlığı

Fevral 12 künü, aqşam Qırımnıñ memuriy sıñırına yaqın yerleşken Çonğar köyünde, Noman Çelebicihan adına qırımtatar batalyonınıñ bazasında dava yüz berdi. «Küreş» radiosınıñ bergen haberine köre, «arbiy urbağa kiyingen silâlı insanlar bazanı zapt ettiler».

Muarririyetniñ malümatına köre, bazağa BTR kirdi, «silâlanğan insanlar ateş açtı». Zararlanğanlar aqqında haber etilmey.

Dava aqqında malümatnı digerleri de tasdiqlay.

Mudafaa nazirligi, Milliy politsiya ve Ukraina Tekükesizlik hızmeti tarafından izaatlar yoq.

Qırım.Aqiqat batalyonnıñ vekillerinen bağlanıp olamay.

Ukraina uquq qoruyıcı organlarınıñ terkibinde qırımtatar batalyonınıñ teşkil etilmesi boyunca muzakereler keçken seneden başlap devam ete. Mecliste bu mesele boyunca bütün malümat Ukraina prezidenti Petro Poroşenkoğa ve İçki işler nazirligi yolbaşçısı Arsen Avakovğa teslim etilgeni aqqında bildire ediler.

Ukraina İçki işler nazirliginiñ terkibine kirgen Ukraina Milliy Gvardiyasında qayd eteler ki, olarnıñ terkibinde qırımtatar batalyonınıñ teşkil etilmesi aqqında beyanatlar şimdilik tek arizalar seviyesinde qala, olar ise qanun tarafından qayd etilmegen.

Lenur İslâmov teşkil etilgen qırımtatar batalyonına arbiy nomerniñ berilmesini talap ete.

XS
SM
MD
LG