Link açıqlığı

Qırımtatar milliy areket iştirakçisi Seitmuratova 80 yaşını toldurdı


Ayşe Seitmuratova portreti yanında, Aqmescit, 2015 senesi

Qırımtatar milliy areket veteranı Ayşe Seitmuratova fevral 11 künü öz 80 yıllıq yübileyini qayd ete. Bunı Qırım.Aqiqat haber ete.

Seitmuratova milliy areket faalleri arasında eñ meşur birileden ola. O milliy erekette iştirak etip eki kere apis etilgen ve mahküm etilgen ekâne qadındır.

70-ci yollarda yañı apis müddetine oğramamaq içün Seitmuratova AQŞ-na köçmege mevcbur olğan edi.

Qoşma Ştatlarda o Radio Svoboda ve «Voice of America» ile çalışqan edi, rus, özbek ve azeri tillerinde yayınlar alıp bara edi.

2001 senesi Ayşe Seitmuratova Aqmescitte yañğız qalğan qartlar içün «Qartlar evini» tesis etken edi, o bügünge qadar onıñ sermiyasına çalışa. Şimdiki vaqıtta cemaat erbabı Amerikada yaşay.

Milliy areket faaliniñ ayat yolu ve tercimeialı aqqında «Ayşe Seitmuratova. Halqı içün küreş meydanında» maqalesinde oqumaq mümkünsiñiz.

XS
SM
MD
LG