Link açıqlığı

Moskvada Boris Nemstov abidesine ücüm ettiler – uquq qorçalayıcılar


Boris Nemtsovnıñ öldürülgen yeri. Arhiv resimi

Fevral 11 künü Büyük Moskvoretskiy köpürinde rusiyeli siyasetçi Boris Nemtsovnıñ abidesi yanında nevbetçilikte olğan cemaat faali Grigoriy Simakov tarif etti: gece «Gormost» belediye şirketiniñ hadimleri küç ile yağmacılıq yaptılar. Bunı «ОVD-İnfo» Rusiye uquq qorçalayıcı media-leyhasınıñ sitesi bildire.

«ОVD-İnfo» bildirüvinde: «Bekçilik yapqan Grigoriy Simokov ve Pavel Kolesnikov, adise aqqında haber etmek içün, Kitay-Gorod polis bölügine ketkende, olar «Gormost» hadimi Dmitriy Zaytsevniñ maşnasını rast keldiler. Köpürde nevbetçilik yapqan faallernıñ şahsiy şeylerden bazılarını şu maşnadan köterip attılar. Arabadan «Alıñız» dep dep bağırdılar», – dep aytıla.

Bu vaqıtke qadar adise aqqında Moskva uquq qoruv organları tarafından resmiy izaat bermediler.

Nemtsov 2015 senesi fevral 28-ge keçer gecesi öldürülgen edi. Bu iş boyunca Zaur Dadayev, Şadid ve Anzor Gubaşevlar, Temirlan Eskerhanov ve Hamzat Bahayev yaqalanğan ediler.

Taqiqat bu cinayetniñ teşkilâtçısı olaraq Ruslan Muhudinovnıñ adını bildire, evelleri bu insan Çeçenistan İİN «Sever» batalyonunda ofitser edi. Bu cinayetni sımarlağanlar – «bellgilenmegen insanlar» sayıla.

Nemtsovnıñ aqrabalı ve safdaşları taqiqatnıñ ketişatınen memnün degiller. Olar Çeçenistan yolbaşlçısı Ramzan Kadırovnı sorğudan keçirmege ve işniñ özüni «Devlet ya da cemaat erbabınıñ ayatına suiqast» olaraq taqiq etmge talap eteler.

XS
SM
MD
LG