Link açıqlığı

2018 senesinden başlap Aqyarda Rusiyege bağlı şeer mahkemesi yanında yemin mahkemesi işini başlamaq kerek. Müessiseniñ matbuat hızmeti tarafından bildirilgen haberge köre, bunı Aqyar şeer mahkemesiniñ başı Vladimir Zolotıh bildirdi.

«2018 senesi yanvar 1 kününden başlap Aqyarda şeer mahkemesi yanında yemin mahkemesi işini başlamaq kerek, 2018 senesi iyün 1 kününden ise – Aqyarnıñ rayon mahkemelerinde. Belgilegen plañımızğa köre, bizler yemin mahkemesi çün şura salonlarıñı azırlamaq kerekmiz – buna paramız yeterli, ondan da ğayrı bizler yemin eteceklerniñ iştiraginen cinaiy işlerniñ baqılmasına mahkemecilerini azırlacamız», – dedi Vladimir Zolotıh.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar.

Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG