Link açıqlığı

Saatnıñ esas haberi

Qırımda ava qoruv sisteması cenk azırlığına ketirile – Rusiyedeki haber vastaları


Tasviriy resim
Tasviriy resim

Rusiye işğal etilgen Qırımda ava qoruv sistemasını azırlıq alına ketire. Böyle azırlıq Ukrainanıñ raketa atış idmanları vaqıtında alınacaq. «RİN Novosti» agentliginiñ yazğanına köre, bunı Rusiye Federatsiya Şurasınıñ mudafaa kömitet yolbaşçısı Viktor Ozerov ayttı.

Ozerov: «Bütün istihbarat ve ava qoruv sistemalarımız yüksek azırlıq seviyesine ketirilecek, tesadufen raketalar bizim topraqlarımızğa tüşmesin», – dep aytqan.

Agentlik yaza ki, onıñ sözlerine köre, Rusiye bu atışlarnı telüke olaraq körmey, çünki özüni «qorunmaq içün küçü yeterli qadar olğan, arbiy ceetten küçlü devlet» olaraq tanıy.

Bundan evel Ukraina Mudafaa nazirliginiñ temsilcisi, polkovnik Dmitriy Gutsulâk, ukrain arbiyleri Rusiye tarafından işğal etilgen Qırmğa sıñırdaş kelgen Herson vilâyetinde ateş idmatlarını keçirecegini bildirdi.

Onıñ sözlerine köre, müessisede aviatsiya bölükleriniñ uçuş metodika azırlıqları ve uçuş taktika idmanları planğa qoyuldı, Ukraina arbiy küçleriniñ diger çeşit brigada ve batalyon taktika idmanları ile uçuş taktika talimatları eda etilecek.

2017 senesi yanvar 13 künü Ukraina Mudafaa nazirligi bildirdi ki, Herson vilâyetinde ukrain ava mudafaasınıñ «Yug» operativ taktik taqımınıñ bölükleri arbiy teminlev bölüklerinen birlikte taktik ihtisas idmanlarını keçirdi.

2016 senesi 1 dekabrde ukrain askerleri (Herson vilâyetinde) Aleksandrovka köyü civarında idare etilgen zenit raketalarınıñ atışlarını keçirgen edi.

XS
SM
MD
LG