Halqara para fondı Ukrainağa kreditniñ daa bir qısımını ayırmaq meselesini eñ yaqın zamanda muzakere etecek. Bunı HPF resmiy temsilcisi Jerry Rice bildirdi.
Rice: «Ukrain akimiyetinen muzakerelerimizni ötkerdik, yaqın zamanda Müdiler Şurasına memleketteki maliyeviy vaziyet ve EFL leyhasınıñ üçünci nezareti aqqında umumiy maruza taqdim etecemiz. Zanımızca, maruzanıñ taqdimi ve Şuranıñ toplaşuvı eñ yaqın zamanda olıp keçecek», – dedi.
2015 senesi mart ayında Halqara para fondı Ukraina içün 17 milliard dollar köleminde dört yıllıq keñiş maliyeviy yardım programmasını başlatqan edi. Oña köre, Ukrainağa er sene dört qısım berilmek kerek, lâkin eki yıl devamında 7,62 milliard dollar kölemidnde ancaq üç qısım, olardan soñkisi 2016 senesi sentâbr ayında, ayırıldı.
