Link açıqlığı

Qırımtataq halqınıñ lideri Mustafa Cemilevniñ yaşayışı aqıında tarif etken «Mustafa» adlı vesiqalı film Berlin Halqara film festivalinde numaiş etilecek. Bunı «Crimea SOS» teşebbüsiniñ yolbaşçısı Tamila Taşeva haber etti.

Onıñ sözlerine köre, fevralde film eki kere European Film Market (EFM) programmasında kösterilecek.

Facebookta Taşeva: «Fevral 11-20 künleri Berlinde, Berlinale festivalinde olacamız. Bizde European Film Market (EFM) çerçivesinde filmniñ eki kösterüvi olacaq: 12.02 saat 17:40 CinemaxX 18 hall salonında, 14.02 saat 18:30 CinemaxX 14 hall salonında. Bundan da ğayrı, elbette, Berlinde bir sıra alman ortaqlarımıznen eki taraflı körüşüvlerimiz olacaq», – dep yazdı.

«Mustafa» filmi, oktâbr 28 künü Kyivte keçirilgen «Molodist» halqara film festivalinde «Ukrain gala numaişleri» programmasında taqdim etilgen edi.

«Mustafa» filmi seyircige ukrain siyesetçisi ve cemaat erbabınıñ ayat yolu añlata, sovetler devirinde qırıtatarlarnıñ Qırımğa qaytmalı içün küreşkeni, apis etilgeni, açlıq ilân etkeni aqqında tarif ete. Film qırımtatarlarnıñ milliy lideriniñ şahsiy çizgilerini köstere ve Cemilevniñ şimdiki yaşayışını, Qırımnıñ azat etilmesi içün küreşkenini tarif ete. Tarih qaramannıñ öz sözlerinen, tarihçı, sovet dissidentleri, Cemilevniñ yaqınları tarafından ikâye etile Rejissör Ahmed Sarıhalil qırımtatar milliy lideriniñ bazı hatıravlarını sanalaştırıtı, bazı yerlerde intervyü ve vesiqalı malümatlarnı qullandı.

Filmniñ rejissörı – Ahmed Sarıhalil, baş rolni zenaatı aktör olmağan Maksim Pasiçnik icra etti.

Filmniñ azırlanılmasına Demokratiya içün Milliy Fond tarafından ayırılğan 50 biñ dollar ve hayriye olaraq toplanılğan 150 biñ grivna kerek oldı.

XS
SM
MD
LG