Link açıqlığı

Suriyede rus uçağınıñ darbesi aqibetinde üç türk askeri elâk oldı – haber vastaları


Rusiyeniñ qırıcı uçağı Suriyede. Arhiv resimi

Suriyeniñ El-Bab şeerinde Rusiye ava quvetleriniñ darbesi aqibetinde tesadufen üç türk askeri elâk oldı, daa 11 yaralandı. Bunı Türkiyedeki Hurriyet Daily News haber ete.

TASS bildire ki, Rusiyeniñ merkez ştabı, rus bombardıman uçağı El-Bab şeeri civarında arbiy vazifeni eda etken vaqıtta tesadufen türk askerleri bulunğan binağa ateş açqanını tasdiqladı.

Rusiye prezidenti Vladimir Putin telefon subetinde Türkiye devlet yolbaşçısı Recep Erdoğandağa, türk askerleriniñ elâk olğanı munasebetinen, taziye bildirdi.

Kremlniñ matbuat hızmeti, eki taraf Suriyede IŞİD terroristik zümresine qarşı arbiy areketlerni ortaqça alıp barmağa añlaşqanını ayta.

Türkiye prezidenti Recep Tayip Erdoğan 2016 senesi 14 dekabrde Rusiye prezidenti Vladimir Putin ile telefon subetinde Suriyedeki vaziyetni, ayrıca Halepteki kerginlikni muzakere etken edi.

XS
SM
MD
LG