Link açıqlığı

Qırımda «Çiygoznıñ işi» boyunca nevbetteki mahkeme toplaşuvı keçirile


Qırımtatar Milliy Meclis reisiniñ muavini Ahtem Çiygoz

Qırımnıñ Yuqarı mahkemesinde fevral 8 künü Qırımtatar Milliy Meclis reisiniñ muavini Ahtem Çiygoznıñ işi boyunca nevbetteki toplaşuv ötkerile. Bunı Facebookta Qurultaynıñ MSK reisi Zair Smedlâyev yazdı.

Fevral 6 künü Kreml nezaretindeki Qırım Yuqarı mahkemesi Qırımtatar Milliy Meclis reisiniñ muavini Ahtem Çiygoznı aprel 8 kününe qadar apiste qalacağı aqqında qarar alğan edi.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı.

Rusiye mahkemesi «Çiygoznıñ işini» «fevlral 26 işi» çerçivesinde alıp bara, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG