Link açıqlığı

Ahtem Seytablayevniñ ve prodüsser İvanna Dâdüranıñ icadiy taqımı fevral 9 künü«Kiborgi» iş adı olğan yañı filmniñ çekimlerini başlay. Bunı Ukraina Haber siyaseti nazirliginiñ matbuat hızmeti bildire.

Müessisede tarif etkenlerine köre, filmniñ süjeti – Ukrainıñ yañı tarihında yüz bergen vaqıyarar esasında qurulğan ve Donetsk avalimanındaki uruşlarda küreşken ukrain askerleri – «kiborglarğa» bağışlana.

Bildirüvde: «İkâye 2014 senesi sentâbr ayında eki afta devamında avalimanında nevbet keçirgen batalyonnen bağlı. Göñüller taqımı ilk sefer ateş noqtasına keleler, onı bizim askerlerimiz endi dört ay devamında qorçalaylar. Göñülliler anda kelip, cenkniñ deşetli yüzünen qarşılaşalar», – dep aytıla.

Matbuat hızmetinde qayd etkenlerine köre, ğayeni kerekleştirmek içün çekim pavilyonında eki qatlı dekoratsıya quruldı, o Donetsk avalimanındaki cenk areketlerni olğanı kibi köstere. Çekimler Kyiv ve Çernigov şeerlerinde yapılacaq. Stsenariyni belli stsenarist Natalya Borojbit yazdı.

«Kiborgi» filmniñ azırlanuvına kino meseleleri boyunca Ukraina Devlet Agentligi tarafından maddiy destek ayırıldı.

XS
SM
MD
LG