Link açıqlığı

Saatnıñ esas haberi

«Hizb ut-Tahrir işiniñ» mabusı Rusiyedeki Mariy El cumhuriyetiniñ apishanesine ketirildi


Nuri Primov
Nuri Primov

Qırımda «Hizb ut-Tahrir işi» boyunca qabaatlanğan Nuri Primov Rusiyedeki Mariy El cumhuriyetiniñ apishanesine ketirildi. Bunı Facebook saifesinde «Rosuznik» leyhasınıñ idarecisi Yana Gonçarova habet etti.

Faaliyetçi: «Nuri Primov, «Hizb ut-Tahrir» işi boyunca qabaatlanğan Qırımlı musulmanlardan biri, cezasını almaq içün apishanege ketirildi. O Mariy El cumhuriyetinde, Yoşkar-Ola şeerinden 50 kilometr uzaqlıqta. Şimdi Nuri karantinde», – dep yazdı.

Rostov-na-Donu şeerindeki Şimal-Kavkaz bölge arbiy mahkemesi sentâbr 7-de iyün 1-den başlap «Hizb ut-Tahrir» ile alâqalarınen qabaatlanğan Qırım musulmanlarınıñ işi boyunca ükmüni çıqardı.

Mahkeme qararına binaen, Aqyar sakini Ruslan Zeytullayev «Hizb ut-Tahrir» bölügini teşkil etti dep yedi yılğa, Ferat Sayfullayev, Rustem Vaitov ve Nuri Primov ise beş yılğa qadar apiske alındı.

Ukraina Tışqı işler nazirligi, rus akimiyetiniñ keçirgen «nevbetteki mahkeme saçmalığını» tenqid etti ve Rusiyeden bu qararnıñ lâğu etilmesini talap etti.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG