Link açıqlığı

«Fevlar 26 işiniñ» mabusı Mustafa Degermencige mubaşirler (mahkemeniñ icra hızmeti hadimleri) mektüp ve hayırlavnamelerini bermege istemeyler. Mektüpler arasında Ukraina prezidenti Petro Poroşenkonıñ yañı yıl hayırlavı bar. Bunı Qırım.Aqiqatqa apiske alınğannıñ anası Aliye Degermenci bildire.

«Bu mektüpler destek köstermek içün yiberilgen edi. Olar (mubaşirler – QA) oña olarnı teslim etmeyler, çünki mektüpler Ukrainadan kele ve belki bir şeyge çağıra bile», – dedi Aliye Decermenci.

Adliyeci Edem Semedlâyevniñ sözlerine köre, mahkeme hızmetçileriniñ öz başına alğan qararları qanunğa uymay ve mabusqa nisbeten aqsızlıq olaraq sayıla.

Ondan da ğayrı qabaatlanğanlarnı saba yemeginden ögüne SİZO-dan alıp ketip, mahkeme toplaşuvı yekünlengen soñ aqşam yemeginden keççe ketireler ve böylece aşsız qaldıralar. İmaye tarafı talap etken quru yemekler de berilmey. Neticede qabaatlanğanlar mahkeme toplaşuvları devam etkence bir-qaç kün devamında aşsız qalalar.

Rusiyeniñ Qırım işğalinden soñ yarımadada 2014 senesi fevral 26-da Ukraina topraq bütünliginiñ tarafdarları mitinginde iştirak etken qırımtatar faallerini mahkeme etmege başladılar. Olarğa qarşı Qırımnıñ şimdiki yolbaşçısı Sergey Aksenovnıñ reberiyeti altında «Rus birligi» firqasınıñ faalleri çıqqan edi.

Rusiye mahkemesiiyül 20-de mahkemeniñ qapalı toplaşuvında «fevral 26 işini» ekige böldi: ayırda – Qırımtatar Milliy Meclis reisiniñ muavini Ahtem Çiygoznıñ işi, ve ayırda – diger mabuslar AliAsanov be Mustafa Degermenciniñ işini alıp bara.

XS
SM
MD
LG