İşğal etilgen Qırımnıñ iqtisaditını kreditleycek büyük bank oyuncıları yetişmey. Bunı «Qırımda Sputnik» radiosında Kremlge bağlı Qırımnıñ İqtisadiy inkişaf nazini Andrey Melnik dedi.
«Bizde Qırımda üç büyük bank çalışmaqta. Daa bar, amma pek küçükler, kerçekten emiyetli bank oyuncılarından sadece üçi bar, ve olar yeterli degil. İleride iqtisadiyatqa ödünç ayırmaq içün olarnıñ kapitalı sıñırlana. Sigorta bölüginde de aynı vaziyet», – dedi Melnikov.
Yanvar 19 künü Kremlge bağlı Qırım akimiyeti RNKB Bankı ile añlaşma imzalağanı aqqında haber etilgen edi.
2016 senesi yanvarnıñ ortasında «Rusiye milliy ticaret bankı» (RNKB) teşkilâtı «Rusiye mülkü» sıfatında Rusiye devletiniñ mülküne keçti.
RNKB – Qırımnıñ sistemasını tizgen bank, o Qırımnıñ Rusiye tarafından zapt etilgeninden soñ meydanğa ketirdi ve ukrain PrivatBankınıñ binasında yerleşti. Yarımadada 211 bölük açıldı. 1,2 million insan ve 37 biñ şirket bu banknıñ müşterisi ola. RNKB – Qırım işğalini tanımağan AQŞ tarafından yaptırımlar cedveline kirsetildi.
PrivatBank Qırımda 790 bin şahsiy zat ve 12 biñ şirketke hızmet ete edi. Qırım işğal etilgen soñ PrivatBank qırımlılarnıñ esaplarında 8 milliard 215 million grivna köleminde sermiyalarnı blok etti.
