Link açıqlığı

Rusiyeniñ nezaretinde çalışqan «Cemaat qırımtatar teleradiokompaniyası» teşkilâtınıñ «Vetan sedası» radiosı Aqmescitte FM dalğalarında yayın başlattı. RİA Krım agentligi, mezkür radio Qırım bücetiniñ sermiyalarına çalışqanını haber ete.

Qırımnıñ sabıq baş nazir muavini, şimdi ise Rusiye Devlet Dumasınıñ deputatı olğan Ruslan Balbek: «Qırımda bügün müyim adise yüz berdi – birinci qırımtatar cemiyet radiosı «Vetan sedası» çalışıp başladı. Şimdilik onı tek Aqmescitte ve Aqmescit rayonında eşitmege mümkün, lâkin kelecekte qoşma bericiler qoyulıp, bütün yarımadağa eşittirilecek», – dep beyan etti.

Rusiye içün çalışqan «Cemaat qırımtatar teleradiokompaniyası» teşkilâtınıñ «Vetam sedası» radiosı Federal Bağ, haber tehnologiyaları ve kütleviy alâqa hızmetiniñ konkursında Aqmescit, Keriç, Kefe ve Yaltada radio-yayınlarv aqqını qazandı.

Rusiye litsenziyasını almağanı sebebinden, 2015 senesi aprel 1 künü ATR telekanalı yarım adada ayınılmasını toqtattı. Bir talay vaqıt keçken soñ ATR qıta Ukrainadan işini devam etti.

Kreml tarafından tain etilgen Qırım yolbaşçısı Sergey Aksönovnıñ fermanı ile 2015 senesi aprel 22 künü «Cemaat qırımtatar teleradiokompaniyası» kârsız ayrı teşkilât meydanğa ketirilgen edi, onıñ adı «Millet» ve «Vetan sedası» radiosı oldı. Avgust 28 künü Roskomnadzor bu teşkilâtqa yayınlav içün litsenziya berdi. 2015 senesi sentâbr 1 künü «Millet» telekanalı deñeme şekilinde yayınlarını başlatqan edi.

Teleradiokompaniyanıñ baş müdiri Seyran Mambetov oldı. Telekanalnıñ maddiy ihtiyaçlarına federal büdcetten 177 mln. ruble ayırılğan edi.

XS
SM
MD
LG