Link açıqlığı

İşğal etilgen Qırımdan Kyivge avuşqan V.İ.Vernadskiy adına Tavriya Milliy Universitetinde oquv yılınıñ ekinci yarısı başlandı. Bunı Qırım.Aqiqatqa universitet müdiri Vladimir Kazarin tarif etti.

Kazarin: «Birinci semestr bizler içün pek müim edi, lâkin ekincisiniñ de emiyeti eksik olmaycaq. Kelecegimiz içün büyük planlar quramız», – dep ayttı.

Müdirniñ sözlerine köre, eñ yaqın zamanda himiya ve ayatiyat fakultetleri ğayırdan açılacağı belgilene.

Rektor: «Eñ yaqın zamanda bizler himiya ve ayatiyat fakultetlerini ğayırdan açmağa niyetlenemiz. Birinci vaqıtları bu umumiy himiya-ayatiyat institutı olacaq. Öz bölügimizni Lutsk şeerinde açacamız, anda bir aliy oquv yurtı ile birleşüv aqqında añlaştıq. Bundan da ğayrı, uzaqtan tasil berüv imkânlarını qullanıp, Avropa universitetlerinen beraberlikte tasil programmasını başlatmaq niyetindemiz», – dep bildirdi.

Vernadskiy adına Tavriya Milliy Universiteti (TMU) 2016 senesinden başlap Ukrainanıñ qitaiy qısımında çalışa. Universitette yedi «Qırım – Ukraina» tasil merkezlerinden biri teşkil etilgen. Qırımdan kelgen abituriyentler, mında kelip, Tışqı mustaqil imtihanlarını tapşırmayıp ukrain tasilini alabileler.

XS
SM
MD
LG