Link açıqlığı

Fevral 6 künü Ukrainada Tışqı mustaqil bilgige qıymet kesüvine (ZNO) qayd etüv ceryanı başlandı ve o mart 17 kününe qadar devam etecek. Bunı Ukraina İlim ve tasil nazirligi bildire.

İntianlarnıñ esas sessiyası mayıs 23 kününden iyün 16na qadar devam etecek. Qoşma sessiya ise – 3-12 iyül künlerinde ötkerilecek.

Ukrainanıñ Tasil keyfiyetine qıymet kesüv merkezi tarafından berilgen malümatqa köre, esas sessiya çerçivesinde mayıs 23 ukrain tili ve edebiyatı boyunca test ötkerilecek; mayıs 25 – ispan, fransız ve alman tilleri; mayıs 29 – inglis tili; mayıs 31 – riyaziyat; iyün 2 – Ukraina tarihı; iyün 6 – rus tili; iyün 8 – ayatiyat; iyün 12 – coğrafiya ve iyün 16 – himiyab bilgileri test etilecek.

Maarif nazirliginiñ malümatlarına köre, mezunlar içün birinci vacip imtian – ukrain tili ve edebiyat imtianı olacaq. Ekinci fen oaraq riyaziyat ya da tarihnı saylamağa kerek olacaq. Testlerde teklif etilgen fenler cedvelinden üçünci olaraq seçilecek: riyaziyat, Ukraina tarihı, ispan, fransız, alman, rus, inglis tilleri, ayatiyat, coğrafiya, fizika, himiya. Ondan da ğayrı ZNO imtianlarında dördünci, amma mecburiy olmağan fenni tapşırmağa mümkün olacaq.

Evelki yılları mezunları tışqı mustaqil bilgige qıymet kesüv çerçivesinde tek ukrain tili ve edebiyatnı vacip olaraq tapşırmaq kerek ediler. Diger üç fenni özleri seçe bile ediler.

Yanvar anıda Ukrainada ZNO imtianlarnıñ deñemesi içün registratsiya başlandı.

XS
SM
MD
LG