Link açıqlığı

Cemilev: Qırımtatarlarnı qorçalamaq içün tek çare – Rusiyeni Qırımdan yoq olmağa mecbur etmek


Mustafa Cemilev, arhiv resimi

Qırımtatar halqınıñ lideri Mustafa Cemilev, qırımtatarlarnı qorçalamaq içün tek bir yol – sanksiyalar vastasınen Ruyeni Qırımnı terk etcegine mecbur ettirmek olğanını ayttı. Bunı Türkiyeli AA agentligi haber ete.

Cemilev: «İşğalcilerniñ basqısı küçlene. Olarğa qarşı tirenmek içün bir yol bar – bu topraqnı işğalciden azat etmektir. Qırımtatarlarğa nasıl yardım etmege mümkün, dep çoq soraylar. Men deyim ki, tek bir çare – sanktsiyalar vastasınen Rusiyeni Qırımdan yoq olmağa mecbur etmek», – dep qayd etti.

O, Rusiyeniñ nevbetteki adımlarını tahmin etmek qıyın olğanını ayttı.

«O Qırımnı bu aqşam da, bir afta soñra da terk etmek mümkün», – dep qoştı qırımtatar halqınıñ lideri.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG