Link açıqlığı

Halqara uquq qorçalayıcı teşkilâtlar Qırımda advokatlarnıñ taqip etilmesine cevap bermeli – ukrain diasporası


Advokat Emil Kürbedinovnıñ ofisinde tintüv, 2017 senesi yanvar 26 künü

Qırımda Rusiye akimiyeti tarafından uquq qorçalayıcılarnıñ taqip etilmesi ciddiy bir qasevet doğura, bunıñ içün halqara uquq qorçalayıcı teşkilâtlar buña cevap bermeli. Bunı Dünya ukrain kongressiniñ prezidenti Yevgeniy Çoliy fevral 4-de bildirdi, dep haber ete «Ukrinform».

«Dünya ukrainler kongressi Rusiye işğalci akimiyetiniñ qanunsız areketlerini takbih etip, halqara uquq qorçalayıcı teşkilâtlarnı er bir insannıñ aqqı olğan yardım köstergen uquqçılarnı qorçalamağa çağıra», – dep ayttı Çoliy.

Kongresste eki uquq qorçalayıcı Edem Semedlâyev ve Emil Kürbedinov qayd etildi.

Yanvar 26-da Rusiye uquq qoruyıcıları advokatlarnıñ ofisinde ve Emil Kürbedinovnıñ evinde tintüvler keçirdi. Tintüvler vaqtında bütün tehnika tutıp alındı.

Advokatlar Semedlâyev ve Kürbedinovnıñ tehnika tevqifi bir ayğa qadar uzatılğanı haber etildi.

Advokat Emil Kürbedinov yanvar 26 künü Bağçasarayda Rusiyeniñ silâlı hızmetleri tarafından yaqalandı. O qırımtatar faali Seyran Saliyevniñ evine, adliyeviy yardım bermek içün kete edi. Aqmescitniñ Demiryol rayon mahkemesi advokat Emil Kürbedinovnı Memuriy qanun bozuvları Kodeksiniñ 20.3 maddesi (Natsist timsalleriniñ teşviqatı ve açıq numayışı) boyunca qabaatlı olaraq tanıdı ve 10 künge apis etti.

Kürbedinov siyasiy davalarnı baqqan eñ eyi Qırım advokatlarından biridir. O ve zenaatdaşları apiske alınmasını advokat faaliyetine keder etmek ıntıluvı olaraq tanıylar.


XS
SM
MD
LG