Avropa parlamentinde fevral 6-da Donetsk vilâyetiniñ Avdeyevkadaki vaziyet kerginleşmesi muzakere etilecektir. Bu aqqında Avropa Birligi yanındaki Ukraina temsilciliginiñ Facebook saifesinde aytıla.
«Avropa parlamenti fevral 6-da havfsızlıq ve mudafaa alt komitetiniñ toplaşuvında Ukraina baş naziriniñ Avropa ve Avropaatlantik integratsiyasınıñ meseleleri muavini İvanna Klimpuş-Tsintsadzeniñ iştiraki ile Avdeyevkadaki vaziyetniñ kerginleşmesini muzakere etmege qarar aldı», – dep qayd etti ukrain hızmeti.
Soñki vaqıtları Donbasstaki vaziyet kerginleşti. Yanvar 29-dan itibren Avdeyevka civarında deşetli uruşlar devam ete. Zıddiyet tarafları biri-birini qabaatlap, em askerler, em de adiy sakinler arasında elâk olğan ve yaralanğanlar bar olğanını bildireler.
