Qırımdaki mahkeme faal Seyran Saliyevni apiste qaldırdı. Bunı faal Nazim Sheikhmambet Facebook saifesinde yazdı.
«Mahkeme imaye şikâyetini qanaatlendirmeyip, Bağçasaray mahkemesiniñ Saliyevni 12 künge qadar apiske alma qararını deñiştirmedi», – dep yazdı faal.
Saliyevniñ advokatı Rustem Kâmilev cezası para cezası ya da çıqma yasağına deñiştirilsin dep, muracaat etken edi.
Yanvar 26-da işğal etilgen Qırımda Rusiye uquq qoruyıcıları tarafından yaqalanğan faal Seyran Saliyev eki maddege köre qabaatlı tanılıp, 12 künge qadar apiske alındı. Onı ekstremist malümatlarını tarqatma ve natsist timsalleriniñ teşviqatı ile oğraşmasınen qabaatlaylar.
Yanvar 26-da Bağçasarayda qırımtatar faali Seyran Saliyevniñ evinde tintüv olıp keçti. Soy-soplarınıñ aytqanına köre, Rusiye uquq qoruyıcıları yasaq etilgen edebiyatnı qıdıra edi. Saliyev Rusiye İçki işler nazirliginiñ Bağçasaray rayon bölügine alıp ketirildi.
«Hizb ut-Tahrir» halqara islâm siyasiy teşkilâtı bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
Ukraina Tışqı işler nazirligi Rusiye akimiyeti teşkil etken «daa bir mahkeme oyunını» takbih etip, Rusiyeden ükümniñ acele sürette lâğu etilmesini talap etti.
